今日開學lu~

成半年無番學啦!琴日我執書包果陣唔記得咗我個書包係點,竟然攞咗個爛咗嘅書包出嚟..哈~

我哋 6S 嘅班房係 112 室,好似個雜物房咁(難聽 D 就垃圾房).

班主任同班導師分別係梁雪松同英佩詞

校長係戴明基,副校係鄧世安同尤漢力

今年呀李慧玉(弗弗 lee)番咗嚟教 Geog.

今日選埋班長同功課班長,好采無我份,嘻嘻~

25/6

今日番咗學校嘅 English Room 同 Issac, Sirius, Szeto 練 Speaking..我發現自己對舊皮鞋竟然咁快就好多塵..

原本係朝早練嘅,不過高天瑞打嚟話下晝兩點先練..我幾驚我未瞓醒聽錯時間呀..最尾竟然係高天瑞自己遲到喎..

我發現間學校改變好多嘢同埋梁佩仙真係好唔掂(原本唔係諗住寫 lee 兩個字嫁)..佢連 Speaking 題目都係攞 Miss Pan 印果 D 又或者考試局買果 D.. 最終要攞 Miss Lane 果 D 題目.. -.-"

練完 Miss Leung 之後睇咗Catalina, Questa, Melody, Jasmine, Liza + 司徒佢哋同 Miss Lane 練..

跟住再揾 Miss Lai 練多次..因為 English Room 滿咗,我哋走咗到 Music Room 度練.. Miss Lai 啱啱講完我哋到時要注意嘅嘢,就俾 Miss Choi 趕走啦..結果要出去平台 take notes..5 分鐘之後,我哋 prepare 完, English Room 有位 lu, 可以入番去涼冷氣啦!!

26/6

今日去咗浸會大學睇人攞獎,同 Victor 一齊去..我哋7點半出門口,去到浸大都係8點40分,早咗成半個鐘!今日發生咗好多古怪嘅嘢..練習唱校歌果陣有個唔知咩嘢學校嘅女 Miss 唱到鬼死咁高音! OMG!真係想凍死人咩?! 好采到正式唱果陣佢唔係攞住個咪唱啫!其中一個司儀俾我哋讚佢 D 英文好過梁佩仙~ rehearal 果陣, 我哋係咁喺本場刊度揾 Richard 果 D 前緋聞女友同 D 果樣唔係太好嘅人..果 D 人真係慘 -.-

差 D 漏咗一樣好重要嘅嘢,環保觸覺果個阿 sir 一個人搭的士嚟!!(好環保喎!!) 俾關逸傑話佢可能踩架的士嚟!

開始咗一陣,謝 sir 就瞓著咗 lu~ 有個人(陳勇)攞 5 科學科獎呀,多陳彥豐 1 科呀~ 人哋學校中七第二名同第三名都有獎學金嫁,我哋得第一名有咋,或者係因為我哋好多人去咗拔尖卦~ 話唔定對於陳彥豐嚟講 lee 900蚊都係濕濕碎啦,佢拔尖有成萬蚊嫁!!!

個畢業禮去到12點,跟著我同9個人行咗去又一城度食飯..我哋好似無乜人識去又一城,行咗都幾耐..

到咗又一城又行嚟行去,唔知去邊度食..去咗 Delifrance (特登去又一城個網度 check 嫁,有 D 無聊~) 攞位,再上番去揾 D 枱櫈去食..我哋有9個人(因為陳彥豐要番工走先),得兩張枱 8個位(玩爭櫈仔  XXD).. 司徒食完俾咗佢個位我坐, thx~

其實我哋9個人咁多,對於揾位好有幫助,人多好辦事嘛! 我哋其實行咗落去,再上番去,見到俾我哋早嚟嘅 Felix 同 Samuel 仲等緊位..我哋等咗一陣就有位啦!

就食完果陣, Delifance 先話有位,有冇搞錯呀!劉佳恩去咗買 Haagen-Dazs 雪糕,跟住俾人話佢每日都食,食咗成10萬 =o=

食完之後搭地鐵走人,喺地鐵度見到 D 好核突嘅嘢,兩個 lesbian 唔知喺度搞乜嘢..我哋喺美孚落車轉西鐵,見到失散咗嘅梁婉楓同司徒宗杰,成班人就跑過去~ 點知果兩個 lesbian 又係 lee 個站落車轉西鐵! OMG! 我哋全部人就跑落西鐵站, lai 埋喺電梯下面!果陣覺得好刺激! XD

就咁樣好有效咁浪費咗大半日~

P.S. 死火啦,大 C 同 Suki 張紀念紙仲未寫呀!!

P.S.S. 希望今晚 Grad. din 唔好發生 D 嚇死我嘅事 la! 我宜家患上 3 號枱恐懼症~  XD

P.S.S.S. 我唔想Grad. din. 好遲入場,因為俾成班人望住好恐佈 ~

P.S.S.S.S. 希望一陣 Speaking 可以講多 D 嘢啦~

今日朝早終於有 D 嘢做 lu~ 我同媽咪去咗做義工,去友愛果 D 樓度探訪兩個單位嘅人,同埋派 D 上個禮拜五喺社區中心包果 D 糭..

我一開始以為 2408 室係第二座(即係高啦)..後嚟去咗先知原來唔係睇前面果兩個數字,而係用後面果兩個數字嚟分 -.-"  即係 2408 室係第一座(即係低果座),好心佢唔好用高同低嚟分啦!點解 D 地址度又唔寫埋佢係第一定第二座喎!

其中有一家人個婆婆係咁窒包檸檬茶嚟,最尾都無奈咁收咗.. 好似 D 婆婆好鍾意將 D 嘢窒嚟窒去..劉奕航個婆婆又係咁..而我個婆婆呢就最鍾意窒 D 錢俾人..

另外一家人呢,就有單親嘅主婦,佢有個讀緊小五嘅仔..佢話佢個仔識得「陸」菜、切肉?,搞到我好似乜都唔識咁..